Իրանական IRNA լրատվական գործակալության փոխանցմամբ՝ Իրանի փոխարտգործնախարար Իբրահիմ Ռահիմփուրը և Վրաստանի արտգործնախարար Միխաիլ Ջանելիձեն երեկ քննարկել են կապերի ընդլայնման ուղիները:
Հանդիպումը տեղի է ունեցել Վրաստանում Անկախության օրվա կապակցությամբ: Այցի ժամանակ Ռահիմփուրը հանդիպել է նաև Վրաստանի փոխարտգործնախարար Դավիթ Ջալագանիայի հետ:
Ռահիմփուրը վրացի պաշտոնատար անձանց հետ քննարկել է երկկողմ տնտեսական ու առևտրային երկարաժամկետ համագործակցությունը, ինչպես նաև զբոսաշրջային ու տարանցիկ ոլորտներում կապերի զարգացումը:
Իրանցի ու վրացի պաշտոնատար անձինք քննարկել են Վրաստանի կողմից Իրանի քաղաքացիների համար վիզային ռեժիմի վերացումից հետո երկու երկրների միջև շաբաթական ավիաչվերթները վերականգնելու հարցը:
Ռահիմփուրը Ջանելիձեին է հանձնել Իրանի առաջին փոխնախագահ Իսհակ Ջահանգիրի հրավերը, որում Վրաստանի վարչապետ Գեորգի Կվիրիկաշվիլին հրավիրվել է Իրան: Ջանելիձեն շնորհակալություն է հայտնել Իրանին՝ Վրաստանի անկախությունը ճանաչելու և դրան հաջորդած 25 տարիների ընթացքում Վրաստանի ինքնիշխանությանն աջակցելու համար:
