ԿՀՎ նախկին աշխատակից Էդվարդ Սնոուդենը, որը ամերիկյան հատուկ ծառայությունների կողմից հեռախոսազանգերի և համացանցային ակտիվության մոնիթորինգի մասին տեղեկությունները գաղտնազերծել էր, քաղաքական ապաստան հատկացնելու ոչ պաշտոնական հայցով դիմել է Իսլանդիայի իշխանություններին: Այս մասին հայտնի է դարձել տեղի «Ֆրետաբլադետ» թերթի լրագրողներին՝ փոխանցում է Interfax-ը:
Թերթը գրում է, որ իր թղթակից Քրիստին Հրաֆնսոնը, որը Wikileaks պորտալի պաշտոնական ներկայացուցիչն է, Սնոուդենի ներկայացուցչից ստացել է հաղորդագրություն: Դրանում ասվում է, որ Սնոուդենը խնդրել է Իսլանդիայի իշխանություններին հաղորդել այնտեղ քաղաքական ապաստան ստանալու իր ցանկության մասին:
Իսլանդիայի իշխանությունները հայտնել են, որ տեղյակ են հարցումից, սակայն մեկնաբանություններով հանդես չեն եկել: Սնոուդենը շարունակում է թաքնվել Հոնկոնգում:
