G8 երկրների ղեկավարները դեմ են արտահայտվել պատանդների ազատության համար ահաբեկիչներին փրկագին վճարելուն: Այս մասին հաղորդում է Ria Novosti-ն:
«Միջազգային հանրությունը զգալի առաջընթացի է հասել ահաբեկչական կազմակերպություններին միջոցների հոսքի դեմ պայքարում: Վերջին 3 տարիների ընթացքում, սակայն, համաձայն մեր գնահատականների, ինչպես «Ալ-Քաիդան», այնպես էլ ահաբեկչական այլ խմբեր ամբողջ աշխարհում տասնյակ միլիոն դոլարներ են հավաքել փրկագների շնորհիվ: Ահաբեկչական խմբավորումների համար փրկագնի վճարումը եկամտի հիմնական աղբյուրն է, որը նրանք ծախսում են նոր ահաբեկիչներ հավաքագրելու, կազմակերպության համար ինչ-ինչ հնարավորություններ ընդլայնելու, ահաբեկչություններ կազմակերպելու վրա: Այն նաև խթանում է հանուն փրկագնի նոր պատանդների առևանգումը՝ դրանով հանդերձ վտանգ ստեղծելով շատ երկրների քաղաքացիների համար»,- ասված է «Մեծ ութնյակի» երկրների հանդիպման արդյունքներն ամփոփող հայտարարությունում:
Մասնակիցներն ընդգծել են, որ աջակցում են առանց փրկագնի պատանդներին ազատելու ջանքերին:
