Շաբաթ օրը՝ բայքերների տոնին, Հռոմում բախվել են 10 մոտոցիկլետներ: Միջոցառումը նվիրված էր ամերիկյան հայտնի ապրանքանիշ Harley-Davidson ընկերությանը:
Բախման հետևանքով տուժել է 8 մարդ, որոնք տարբեր աստիճանների վնասվածքներով տեղափոխվել են Հռոմի հիվանդանոցներ՝ հաղորդում է AHCA գործակալությունը:
Շոուին ներկա գտնվելու համար Հռոմում էին հավաքվել Harely-Davidson-ի մոտ 30 հազար տերեր՝ տարբեր երկրներից: Նրանք շրջել են ամբողջ քաղաքով և մոտոցիկլետներին բնորոշ աղմուկ բարձրացրել:
Այս երևույթը հարուցել է «Կոնդակոնս» կազմակերպության ներկայացուցիչների դժգոհությունը, ովքեր իրենց հայտարարության մեջ նշել են, որ «Բայքերների վարքագիծն վայելուչ չէ և հակասում է երիտասարդ սերնդի դաստիարակության սկզբունքներին, ինչպես նաև խախտում քաղաքացիների հանգիստը»:
Բացի այդ, Հռոմի ճանապարհին զոհվել են 2 շվեյցարացի մոտոցիկլավարներ:
