Armtimes.com-ի փոխանցմամբ՝ քառօրյա պատերազմից հետո՝ ապրիլի 22-ին ՀՀ ՊՆ-ն 50 միլիոն 706 հազար դրամով 18 հատ կոմուտացիոն սարք է գնել, որից յուրաքանչյուրի համար «Սատուրն-Ակիա» ընկերությանը վճարել է 2 միլիոն 817 հազար դրամ:
Մինչ ապրիլյան քառօրյա պատերազմը ՀՀ ՊՆ-ն «Ռազդվան Տեխնոլագիա» ՍՊ ընկերության հետ մեկ այլ գնման պայմանագիր է կնքել, որն արժեցել է 675 միլիոն դրամ: Այս գումարով ՊՆ ձեռք է բերել Տ-72 տանկի եւ ՀՄՄ 1.2 համալիրների վարժասարքեր, որոնց ընդհանուր թիվը կազմել է 5, որոնցից 3-ը Տ-72 տանկի համար են: ՀՄՄ-ի վարժասարքի գինը կազմել է 120 միլիոն դրամ, իսկ Տ-72 տանկինը՝ 145 միլիոն դրամ:
«Տ-72 տանկի համալիր վարժասարքի» տեխնիկական բնութագրից տեղեկանում ենք, որ այն արտադրված է Հայաստանում եւ նախատեսված է Տ-72 տանկի անձնակազմի հրամանատարի, նշանառու-օպերատորի եւ մեխանիկ-վարորդի հրաձգության եւ մեքենավարման՝ իրականությանը առավելագույն համապատասխանող մարտավարական խնդիրների, առանց մոտոռեսուրսի, ՎՔՆ-ի եւ զինամթերքի, ուսումնական դասասենյակի պայմաններում, համատեղ ուսուցման եւ վարժեցման համար:
Վարժասարքը պետք է ապահովի.
-մարտական եւ կառավարման բաժանմունքներում տեղաբաշխված նշանառու-օպերատորի, հրամանատարի նշանառության դիտասարքերի եւ մեխանիկ-վարորդի մեքենայի կառավարման օգնականների ու չափիչ-ստուգիչ սարքերի ֆունկցիոնալ նշանակությունն ուսումնասիրելու հնարավորություն:
Տ-72 տանկի համալիր վարժասարքն իրենից ներկայացնում է ապարատա-ծրագրային համալիր, որի ֆունկցիոնալ գործարկումը իրականացնում է ուսուցանվող անձնակազմերի հրահանգավորում՝ մարտական մեքենաների վարում, հրաձգության դասընթացներին համապատասխան եւ այլն:
«ՀՄՄ-2 համալիր վարժասարքը» նույնպես արտադրված է Հայաստանում: Նախատեսված է ՀՄՄ-2-ի անձնակազմի՝ հրամանատարի, նշանառու-օպերատորի եւ մեխանիկ-վարորդի հրաձգության եւ մեքենավարման՝ իրականությանը առավելագույն համապատասխանող մարտավարական խնդիրների, առանց մոտոռեսուրսի, ՎՔՆ-ի եւ զինամթերքի, ուսումնական դասասենյակի պայմաններում, համատեղ ուսուցմանն եւ վարժեցման համար:
Ամբողջությամբ՝ սկզբնաղբյուր կայքում
