Աշխարհի ամենամաքուր լիճը գտնվում է Նոր Զելանդիայում: Հարավային կղզում գտնվող Կապույտ լճի տեսանելի խորությունը կազմում է 80 մետր: Նոր հայտնաբերված բնության հրաշքի լուսանկարը մամուլում հայտնվում է առաջին անգամ:
Լուսանկարներն արել է հանրահայտ լուսանկարիչ Կլաուս Թայմանը՝ Նոր Զելանդիայի Պահպանության և զբոսաշրջության դեպարտամենտի աջակցությամբ: Այս մասին հայտնում է The Guardian-ը:
Լիճը գտնվում է ծովի մակարդակից 1200 մետր բարձրության վրա և սնվում է իրենից ավելի բարձրադիր մեկ այլ լճից: Աշխարհի ամենապարզ լճում մի խոռոչ կա, որտեղից տեղի է ունենում ջրի արտահոսք: 24 ժամում լճի ջուրն ամբողջությամբ փոխվում է: Մուտքը լիճ, բացառությամբ ջրասուզակների, արգելված է. այն գտնվում է պահպանվող գոտում: Մինչ լիճ հասնելը 2-3 կմ ոտքով անցնելու ճանապարհ կա:
