Քուինսի համալսարանի (Օնտարիո) ինժեներները ստեղծել են HoloFlex սմարթֆոնի նախատիպը։ Սարքի տեսաշնորհանդեսը հայտնվել է Human Media Lab լաբորատորիայի YouTube-ի էջում։ Հենց այդ լաբորատորիայում էլ մշակվել է սմարթֆոնը։
HoloFlex-ն ունի ճկուն հոլոգրաֆիկ դիսփլեյ, որի շերտերից մեկը կազմված է լույսը ցրող մանրադիտակային ոսպնյակներից։ Այսպիսով՝ էկրանին առաջանում է ստերոսկոպիկ պատկեր, որը կարող են տեսնել միաժամանակ մի քանի մարդիկ, ընդ որում՝ հատուկ ակնոցներ չեն պահանջվում։
HoloFlex-ը էկրանի կորացումն ընկալում է որպես հրաման։ Օրինակ՝օգտատերերը կարող են փոխել վիրտուալ օբյեկտների միջև հեռավորությունը՝ սմարթֆոնը ճկելով։
