ԱՄՆ-ում մշակվել է աշխարհում առաջին ռոբոտը, որը վիրահատությունների ժամանակ կատարում է որոշակի գործառույթներ ավելի լավ, քան մարդը։
Ավտոնոմ STAR (Smart Tissue Autonomous Robot) սարքը կազմված է ռոբոտացված ձեռքից և ավտոմատաված սարքից՝ կարեր դնելու համար։ Ռոբոտը զինված է նաև ինֆրակարմիր պատկերման 3D-համակարգով և սենսորային համակարգով, որոնց շնորհիվ կարերը ստացվում են ոչ թույլ, ոչ ձիգ։
Վաշինգտոնի ազգային մանկական առողջապահության համակարգի մասնագետները խոզերի վրա փորձարկումներ են իրականացրել մարդու ներքին օրգանների հետ ունեցած նմանության շնորհիվ։
Փորձերի ընթացքում կատարվել է սովորական վիրաբուժական ընթացակարգ, որի ընթացքում հեռացվել է թարախակույտ աղեստամոքսային համակարգից։
