«Չելսի»-ի նորանշանակ գլխավոր մարզիչ Ժոզե Մոուրինյոն իր կարծիքն է հայտնել «Մանչեսթեր Յունայթեդ»-ի գլխավոր մարզչի պաշտոնում Դևիդ Մոյեսի նշանակման մասին:
««Յունայթեդ»-ը ճիշտ որոշում է կայացրել: Դևիդը բավականաչափ փորձ ունի, հիանալի աշխատանք է կատարել «Էվերթոն»-ում: Վստահ եմ, որ «Յունայթեդ»-ը նրան ժամանակ կհատկացնի, որպեսզի Մոյեսն ընտելանա փոփոխություններին:
Մոյեսը դեռևս չի մասնակցել Չեմպիոնների Լիգայի գավաթի խաղարկությանը, այնպես որ պետք չի սպասել, որ Եվրոպայում նա իրեն կզգա, ինչպես ձուկը` ջրում: Նրան ժամանակ է հարկավոր և կայությունուն, իսկ «Յունայթեդ»-ն այդ առումով հիանալի ակումբ է: Այնպես որ, «կարմիր սատանաներ»-ը հիանալի ընտրություն են կատարել»,- Sky Sports-ը մեջբերում է Մոուրինյոյի խոսքը:
