Երկուշաբթի Սան Ֆրանցիսկոյում մեկնարկած ամենամյա World Wide Developer համաժողովի ժամանակ Apple ընկերությունը ներկայացրել է նոր բջջային օպերացիոն համակարգ՝ iOS 7: Այս մասին հայտնում է The Wall Street Journal-ը:
iOS 7-ում փոխված են օպերացիոն համակարգի ինտերֆեյսը. հավելվածների կոճակների դիզայնը, փոփոխության են ենթարկվել նաև տառատեսակն ու գունային ֆոները, «Եղանակ» հավելվածում հայտնվել է անիմացիա, վերամշակվել են «Օրացույց», «Հաղորդագրություն», «Խաղային կենտրոն» և այլ ծրագրերը:
Թարմացվել է Safari դիտարկիչը. նրանում հայտնվել են «ծնողական վերահսկողության» ծրագրեր, «խելացի որոնման» դաշտ:
Այդ օպերացիոն համակարգի հիման վրա աշխատող սարքերը կաջակցեն AirDrop տեխնոլոգիային, որը տալիս է Wi-Fi-ի միջոցով ֆայլերի անլար փոխանակման հնարավորություն:
Siri ձայնային օգնականը կարողանում է խոսել նոր ձայներով և ինտեգրվել է առցանց հանրագիտարանին, սոցցանցերին և որոնողական համակարգերին:
Apple-ը ներկայացրել է նաև iTunes Radio-ն: Ընկերությունն արդեն պայմանագրեր է ստորագրել Sony-ի, Universal-ի և Warner Music-ի հետ: Եվ չնայած երաժշտությունը կհնչի իրական ժամանակում, ծառայությունը թույլ կտա կրկին լսել երգը և գնել այն կոճակի մեկ սեղմումով:
