Ռուսաստանի հանրային հեռուստատեսությունը եթերից հանել է այն հաղորդումը, որտեղ հաղորդավարները իրենց թույլ են տվել կատակել Վլադիմիր Պուտինի և Լյուդմիլա Պուտինայի ամուսնալուծության վերաբերյալ: «Սոցիալական ցանց» հաղորդման եթերում Վլադիսլավ Սորոկինը և Եկատերինա Վորոնինան հումորային լուսանկարներ են ներկայացրել, որը նախագահը կարող էր տեղադրել ծանոթությունների համար նախատեսված կայքերում:
Սորոկինը իր Facebook-ում գրել է, որ դրա պատճառով հաղորդումը հեռացնում են եթերից, իսկ ինքն ու իր գործընկերուհին կաշխատեն մինչև պայմանագրի ավարտը՝ հունիսի 30-ը, իսկ հետո կլքեն ОТР-ը:
Հեռուստաալիքի դեմ իրենց դժգոհություններն է հայտնել նաև մոսկովյան վարչակազմը: Նրանց դուր չի եկել Սերգեյ Սոբյանինի հրաժարականի մասին կատակը: Այդ մասին Սորոկինը նույնպես հաղորդել է սոցիալական ցանցում:
Այդ հեռուստաընկերությունը սկսել է գործել 2013թ.-ի մայիսի 19-ից: Հեռուստաալիքը նախատեսված էր որպես այլընտրանք դաշնային հեռուստատեսությանը:
