Ռուսաստանի արտաքին գործերի նախարար Սերգեյ Լավրովը երկօրյա այցով այսօր կժամանի Հայաստան։ Նրա այցին ընդառաջ ռուսական պարբերականներն արդեն հրապարակում են Ղարաբաղյան հակամարտության կարգավորման հնարավոր տարբերակ, որն իր մեջ ներառում է ազատագրված տարածքների վերադարձ, խաղաղապահ զորքերի տեղակայում։
Այս կետերը նորություն չեն՝ ընդգրկված էին Մադրիդյան սկզբունքներով, և ըստ առաջին նախագահ Լևոն Տեր-Պետրոսյանի՝ առաջիկայում բանակցությունները հենց սրա շուրջ պետք է ընթանան, որի համար անհրաժեշտ է քաղաքական կոնսոլիդացիա։
«Ժառանգություն» կուսակցության փոխնախագահ Արմեն Մարտիրոսյանը թվարկում է մի քանի պատճառ, թե ինչու Հայաստանը չի կարող վերադարձնել գեթ մեկ տարածք Ադրբեջանին, դրանք մեծամասամբ եղել են ԼՂԻՄ կազմում, դրանք միշտ եղել են հայաբնակ , դրանք ռազմավարական նշանակության տարածք են և որևէ տարածքի կորուստ շղթայական ձևով հետագայում բերելու է կորուստների։
Արմեն Մարտիրոսյանի խոսքերով՝ իրենք իշխանությունների հետ որևէ կոնոլիդացիայի չեն գնալու։
