Միջսիրիական բանակցությունները Ժնևում դանդաղ են առաջ շարժվում, գնալով ավելի քիչ հնարավորություններ են մնացել հերթական փուլի հաջող ավարտի համար, հայտնում է TASS-ը: Սիրիայում փխրուն զինադադարին լուրջ սպառնալիքների ֆոնինՍիրիական ընդդիմության Բանակցությունների հարցերով բարձրագույն կոմիտեի պատվիրակությունը դադարեցրել է մասնակցությունը երկխոսությանը, թեև ամբողջ կազմով չի լքել Շվեյցարիան: Մյուս ընդդիմադիր պատվիրակիությունները և պաշտոնական Դամասկոսի ներկայացուցիչները բանակցություններից դուրս չեն եկել և մտադիր չեն դա անել:
Ապրիլի 13-ին մեկնարկած ներկայիս փուլը գործնականում հաստատ առանց խաթարումների կտևի մինչև ապրիլի 22-ը: Միևնույն ժամանակ, արդեն ոչ ոք ըստ էության դրանից բեկում չի սպասում, և գնալով ավելի հստակ է ծառանում հարցը՝ արդյոք նորից կհավաքվե՞ն պատվիրակությունները, իսկ գլխավորը՝ ի՞նչ տեղի կունենա այդ ընթացքում Սիրիայում, որի քաղաքացիները առայժմ այդպես էլ չեն կարողանում տեսնել արդեն ավելի քան 5 տարի տևող կործանարար պատերազմի վերջը:
