«Նոր Հայաստան» հանրային փրկության ճակատը տարածել է հայտարարություն, որով երկրի անվտանգության ապահովման համար պատասխանատվություն ստանձնելու պատրաստ բոլոր ուժերին առաջարկում է դիտարկել ժողովրդի վստահության կառավարության ձևավորման նպատակով բանակցություններ սկսելու հարցը։
Հայ ժողովրդի անվտանգությունն ապահովելու համար «Նոր Հայաստան»-ը առաջարկում է քաղաքական ու հասարակական սեկտորի ներկայացուցիչների կոնսոլիդացիայի միջոցով լուծել մի քանի առաջնային խնդիրներ, այն է՝ ձևավորել լեգիտիմ իշխանություն, հասնել Արցախի նկատմամբ Ադրբեջանի ագրեսիայի միջազգային ճանաչմանը, մեծացնել պաշտպանական համակարգի կառավարման արդյունավետությունը՝ ի հաշիվ կտրուկ կադրային փոփոխությունների, ավելացնել Զինված ուժերի թվաքանակը, առաջին հերթին՝ ոստիկանության զորքերի հաշվին և ևս մի քանի առանցքային խնդիրներ:
«Նոր Հայաստան»-ը, վերը նշված խնդիրները լուծելու սեփական մեխանիզմներն ունի, որոնք, սակայն առայժմ չի հրապարակի՝ սեփական տեսլականով այլոց չկաշկանդելու համար:
Ավետիսյանն ընդգծում է՝ եթե քաղաքական, հասարակական ուժերը չհամախմբվեն, ապա ղարաբաղաադրբեջանական նոր սրացման դեպքում Հայաստանի ազգային անվտանգության սպառնալիքն էլ ավելի կմեծանա:
Վարուժան Ավետիսյանը վստահ է Հայաստանի առջև ծառացած խնդիրները վերացնելու համար քաղաքական ուժերը պետք է վերջ դնեն ներքին գզվրտոցին ու համակարգի ներսում որևէ՝ թե՛ ընտրական, թե՛ բանակցային գործընթացներին մասնակացելուն: