Դոհայում նավթի արդյունահանման սառեցման հարցով նավթարդյունահանող երկրների պաշտոնական հանդիպման մեկնարկը ձգձգվում է: Այս մասին Ria Novosti-ին հայտնել է երկրներից մեկի պատվիրակության աղբյուրը:
Աղբյուրի տվյալներով՝ ձգձգումը պայմանավորված է միջոցառումների ծրագրում փոփոխություններով, որ վերջին պահին խնդրել է Սաուդյան Արաբիան:
Նախնական ծրագրի համաձայն՝ հանդիպումը պետք է սկսվեր տեղական ժամանակով ժամը 8.45-ին:
Հիշեցնենք, որ Ռուսաստանը, Սաուդյան Արաբիան, Կատարը և Վենեսուելան փետրվարի 16-ին Դոհայում տեղի ունեցած հանդիպման ժամանակ պայմանավորվել են 2016թ. նավթի արդյունահանման միջին ծավալը պահպանել հունվար ամսվա մակարդակին համապատասխան, եթե մյուս արդյունահանող երկրները նույնպես միանան նախաձեռնությանը: