Ռուսաստանի նախագահ Վլադիմիր Պուտինը քաղաքացիների հետ ուղիղ կապի ժամանակ նշել է պահպանվող ահաբեկական սպառնալիքի մասին։
«Նման վտանգ միշտ կա, եթե պատշաճ ուշադրություն չդարձվի»,- ասել է պետության ղեկավարը։
Նրա խոսքով՝ շատ երկրներ տառապում են նման վտանգից, այդ թվում՝ Եվրոպայի երկրներն ու ԱՄՆ-ը։
«Ռուսատսանի մասին չեմ խոսում. մենք գիտենք, թե դա ինչ է, մեծ կորուստներ ենք ունեցել ահաբեկչության դեմ պայքարում»,- նշել է Պուտինը։
Նա նաև հավելել է, որ ռուսական զորախմբի զգալի մասը դուրս է բերվել Սիրիայից, սակայն սիրիական բանակը Ռուսաստանի ուժերի մնացած զինվորականների աջակցությունից հետո կարողացել է ազատագրել Պալմիրան գրոհայիններից։ Նա նաև ընդգծել է, որ հրադադարին միացած բնակավայրերի թիվն ավելացել է։
Պուտինի խոսքով՝ ներկայումս Սիրիայի համար գլխավորը քաղաքական գործընթացն է, «անհրաժեշտ է պայմանավորվել, ընդունել սահմանադրություն, անցկացնել ընտրություններ»՝ երկրում իրավիճակը կայունացնելու համար։
