Ավստրիան Իտալիայից եկող փախստականների հոսքը սահմանափակելու նպատակով սկսել է պատի կառուցումը, հայտնում է The Independent-ը:
Հիմնական աշխատանքները կատարվում են Բրեներ լեռնանցքում, որտեղով Ավստրիա է անցնում Իտալիայից եկող փախստականների հիմնական խումբը: Պատնեշի կառուցումը պլանավորված է ավարտել մայիսի վերջին: Ավստրիական պաշտոնյաների գնահատումներով՝ մոտակա ժամանակում փախստականները կգիտակցեն, որ «բալկանյան ուղին», որն անցնում է Հունաստանով, Մակեդոնիայով և Սերբիայով, վերջնականապես փակ է, և կսկսեն այլ ճանապարհ փնտրել:
Եվրահանձնաժողովն արդեն քննադատել է պատի կառուցումը, սակայն պաշտոնական Վիեննան հայտարարել է, որ փախստականների դեմ ցանկապատի կառուցումը քաղաքական անհրաժեշտություն է:
