Շարունակվում է Չեմպիոնների լիգայի գավաթի ընթացիկ խաղարկությունը:
Քառորդ եզրափակչի պատասխան մրցավեճերն արդարացրին բոլոր սպասելիքները: Մադրիդի «Ռեալ»-ը, որն առաջին խաղում մրցակցի հարկի տակ 2:0 հաշվով զիջել էր «Վոլֆսբուրգ»-ին, սեփական հարկի տակ գերմանական ակումբի դարպասը 3 անպատասխան գնդակ ուղարկեց:
Դաշտի տերերի առաջատար Քրիշտիանու Ռոնալդուն հերթական անգամ փայլեց՝ դառնալով հեթ-տրիկի հեղինակ: Մրցաշարի լավաույն ռմբարկուն 10 խաղում 16 գոլ է խփել:
Խաղային օրվա մյուս մրցավեճում «Մանչեսթեր Սիթի»-ն սեփական հարկի տակ հաշվի նվազագույն տարբերությամբ առավելության հասավ Ֆրանսիայի գործող չեմպիոն ՊՍԺ-ի նկատմամբ: Թիմերի առաջին խաղը Փարիզում ավարտվել էր ոչ-ոքի՝ 2:2 հաշվով:
«Ռեալ» – «Վոլֆսբուրգ»՝ 3:0
1:0, 2:0, 3:0 Քրիշտիանու Ռոնալդու (16′, 17′, 77′)
«Մանչեսթեր Սիթի» – ՊՍԺ՝ 1:0
1:0 Քևին դե Բրյուինե (76′)
Չիրացրած 11մ՝ Սերխիո Ագուերո (30′)
