Այսօր տեղի են ունենալու Չեմպիոնների լիգայի քառորդ եզրափակչի «Մանչեսթեր Սիթի» – ՊՍԺ և «Ռեալ Մադրիդ» – «Վոլֆսբուրգ» պատասխան հանդիպումները:
Առաջին խաղից հետո «Մանչեսթեր Սիթի»-ն կիսաեզրափակիչ դուրս գալու լավ հնարավորություն ունի. եթե հանդիպումն ավարտվի անգամ ոչ-ոքի(0:0, 1:1), «Սիթի»-ն կնվաճի կիսաեզրափակչի ուղեգիր: Թիմերից մեկի՝ ցանկացած հաշվով հաղթանակի դեպքում հաղթող թիմը դուրս կգա կիսաեզրափակիչ փուլ: 2:2 հաշվի դեպքում խաղը կտեղափոխվի ավելացված ժամանակ, իսկ ավելի գոլառատ ոչ-ոքիի դեպքում(3:3, 4:4 և այլն) դիմակայության հաղթող կդառնա փարիզյան ակումբը:
Ինչ վերաբերում է «Ռեալ Մադրիդ» – «Վոլֆսբուրգ» դիմակայությանը, ապա մադրիդցիների մոտ խնդիրն ավել լուրջ է. «Ռեալ»-ը, առաջին խաղում 2:0 հաշվով պարտվելով գերմանական թիմին, այժմ պետք է հաղթի նվազագույնը 2:0 հաշվով, որպեսզի խաղը տեղափոխվի ավելացված ժամանակ: Երկու գնդակի տարբերությամբ «Ռեալ»-ի` ցանկացած այլ հաշվով հաղթանակի դեպքում հաջորդ փուլի ուղեգիր կնվաճի «Վոլֆսբուրգ»-ը: Բնականաբար, ոչ-ոքին ու «Վոլֆսբուրգ»-ի հաղթանակը ևս բաղձալի ուղեգիր կտան «գայլեր»-ին: Այսպիսով՝ «Ռեալ»-ին անհրաժեշտ է հաղթել նվազագույնը 3 գնդակի տարբերությամբ 90 րոպեում կիսաեզրափակչի ուղեգիր նվաճելու համար:
Երկու մրցավեճերն էլ մեկնարկելու են Երևանի ժամանակով 22:45-ին:
