Ռուսական RIA Novosti լրատվական գործակալության փոխանցմամբ՝ Շոտլանդիայի առաջին նախարար Նիկոլա Սթերջենը շարունակել է բրիտանական վարչապետ Դևիդ Քեմերոնի սկսած էստաֆետը և հրապարակել է եկամուտների մասին իր հռչակագիրը։
Քեմերոնը երկուշաբթի հրապարակել է իր ֆինանսական փաստաթղթերը, որպեսզի հաստատի օֆշորային սկանդալին իր մասնակից չլինելը։ Փաստաթղթերի համաձայն՝ 2014-2015 ֆինանսական տարում վարչապետը վճարել է գրեթե 76.000 ֆունտ ստերլինգ հարկ, իսկ եկամուտը կազմել է 200.000 ֆունտ սթերլինգ։
Նա ավելի քան 45.000 ֆունտ սթերլինգ ստացել է Լոնդոնում իր տունը վարձով հանձնելուց։ Բացի դրանից՝ նա մորից ստացել է 200.000 ֆունտ ստերլինգի նվիրատվություն և 300.000 ֆունտ ստերլինգ էլ բաժին է ստացել հորից։
Սթերջենի փաստաթղթերը վկայել են, որ 2014-2015 ֆինանսական տարում վաստակել է 104.000-ի ֆունտ ստերլինգ։ Նա վճարել է 32.000 ֆունտ ստերլինգի հարկ։
