Իրանական IRNA լրատվական գործակալության փոխանցմամբ՝ Իրանի կապի ու տեղեկատվական տեխնոլոգիաների նախարար Մահմուդ Վաեզին ու Թուրքիայի էկոնոմիկայի նախարար Մուսթաֆա Էլիթաշը Թեհրանում քննարկել են երկու երկրների տնտեսական հարաբերությունների ընդլայնման հարցը։
Վաեզին լիովին իրատեսական է համարել, որ երկու երկրները կարող են տարեկան ապրանքաշրջանառության ծավալը հասցնել մինչև 30 միլիարդ դոլարի։
Էլիթաշն իր հերթին հույս է հայտնել, որ կամրապնդվի Իրանի հետ տնտեսական համագործակցությունն ու կընդլայնվեն երկու երկրների միջև առևտրային հարաբերությունները։
2015 թվականին Իրանի ու Թուրքիայի միջև երկկողմ ապրանքաշրջանառության ծավալը կազմել է մոտ 10 միլիարդ դոլար։ Այդ ցուցանիշն անշեղորեն նվազում է 2012 թվականից հետո, երբ այն հասել էր 22 միլիարդ դոլարի։
