Ռուսական Կարմիր խաչի մոսկովյան բաժինը մտադիր է մարդասիրական օգնության հավաք կազմակերպել Լեռնային Ղարաբաղի բնակիչների համար, միաժամանակ Մոսկվայի կառավարության օգնությունն է ակնկալում հավաքված բեռները պահելու համար տարածքների տրամադրման հարցում: Այս մասին RIA Novosti-ին հայտնել է Ռուսական Կարմիր խաչի մոսկովյան բաժնի նախագահ Իգոր Տրունովը:
«Մենք քննարկել ենք այդ հարցը: Այո, իհարկե, դրանով կզբաղվենք, բայց հիմա այդ գործունեությունն առայժմ շրջաններում ենք սկսում: Ուզում ենք, որպեսզի մեզ, իհարկե, նաև Մոսկվայի կառավարությունն աջակցի, որովհետև մենք խնդիր ունենք (մարդասիրական օգնության) պահեստավորման տարածքների հետ կապված: Մենք արդեն ստացել ենք դիմումներ, նամակներ Մոսկվայի քաղաքացիներից այդ օգնության մասին առաջարկներով, բայց շենքեր չկան»,- հայտնել է Տրունովը՝ ի պատասխան հարցի՝ արդյոք կազմակերպությունը կմասնակցի՞ ԼՂ-ի համար օգնության հավաքմանը:
Նրա խոսքով՝ Մոսկվայի Կարմիր խաչին աջակցել է «Միասնական Ռուսաստանը», Պետդումայից դիմում է ուղարկվել Մոսկվայի քաղաքապետին՝ Մոսկվայի կառավարության հետ կազմակերպության համագործակցություն հաստատելու համար:
