«Բարսելոնա»-ի հարձակվող Լիոնել Մեսսին ցանկանում է ևս մեկ նվաճում գրանցել Մադրիդի «Ռեալ»-ի դեմ առաջիկա խաղում: Պրոֆեսիոնալ կարիերայի ընթացքում Արգենտինայի հավաքականի ֆուտբոլիստը 499 գոլ է խփել: Կատալոնական ակումբի սկզբունքային մրցակցի դեմ խաղում նա կարող է հեղինակել իր կարիերայի 500-րդ գոլը:
«Հիանալի կլինի, եթե կարիերայիս 500-րդ գոլը խփեմ «Ռեալ»-ի դեմ խաղում: Բայց ավելի լավ կլինի, որ մենք հաղթանակ տանենք»,- El Mundo Deportivo-ն մեջբերում է Մեսսիի խոսքերը:
Հիշեցնենք, որ իսպանական գրանդերի մասնակցության հերթական «կլասիկո»-ն կայանալու է ապրիլի 2-ին:
