Սիրիայի նախագահ Բաշար Ասադը ՄԱԿ-ի գլխավոր քարտուղար Պան Գի Մունին ուղղված նամակում միջազգային կազմակերպության պրոֆիլային գործակալություններին կոչ է արել օգնել Պալմիրայի վերականգնման գործում: Այս մասին հայտնում է սիրիական SANA գործակալությունը:
«Նախագահը գլխավոր քարտուղարին կոչ է արել ՄԱԿ-ի՝ սիրիական կառավարության օգնության հարցերով գործակալությունների հետ միասին ջանքեր ներդնել հնագույն Պալմիրա քաղաքի վերականգնման գործում»,- հայտնում է գործակալությունը:
Ասադը նաև նշել է, որ ամենահարմար պահն է ահաբեկչության դեմ պայքարին ուղղված շուտափույթ ընդհանուր ջանքերի համար, և հավելել է, որ Սիրիան բաց է մնում բոլոր բարեկամաբար տրամադրված ուժերի հետ համագործակցության համար:
Սիրիական բանակը Պալմիրան գրոհայիններից ազատագրել է մարտի 27-ին:
Փորձագետների գնահատականները Պալմիրայի վերականգնման հնարավոր ժամկետների հարցում տարբեր են՝ մի քանի տարուց մինչև տասնյամյակներ:
