Իտալիայի առափնյա պաշտպանության տվյալներով՝ վերջին երկու օրում Միջերկրական ծովում Լիբիայից Սիցիլիայի ափեր ճանապարհին մոտ 500 ներգաղթյալներ են փրկվել:
Իտալիայի ներքին գործերի նախարարության վիճակագրությամբ՝ այս տարվա սկզբից երկիր է ժամանել 13.829 անօրինական ներգաղթյալ՝ 38 տոկոսով ավելի, քան անցյալ տարվա նույն ժամանակահատվածում:
Մերձավոր Արևելքի և Հյուսիսային Աֆրիկայի երկրներից անօրինական ներգաղթյալներն ավելի հաճախ են ընտրում Միջերկրական ծովով Իտալիա հասնելու վտանգավոր ուղին, այնինչ Թուրքիայով և Հունաստանով Եվրոպայում հայտնվել ձգտող նեգաղթյալների թիվը աստիճանաբար նվազում է:
