Թեհրանը հավաստել է, որ միջազգային միջնորդների «վեցյակի» հետ կվերսկսի բանակցությունները իր միջուկային հիմնախնդրի շուրջ` պայմանով, որ կատարվեն հուլիսին հայտարարված իր չորս պայմանները: Այդ մասին, ինչպես հաղորդել է ISNA գործակալությունը, ասված է այն նամակում, որն Իրանն ուղարկել Է Եվրամիության արտաքին գործերի եւ անվտանգության քաղաքականության հարցերով գերագույն ներկայացուցիչ Քեթրին Էշթոնին:
Նամակում Թեհրանը թվարկել է այդ չորս պայմանները. առաջին՝ բանակցությունները պետք Է համապատասխանեն ՄԱԳԱՏԷ-ի պահանջներին ու նորմերին, երկրորդ՝ Արեւմուտքը պետք Է հստակեցնի՝ ցանկանո՞ւմ Է նա արդյոք բանակցություններում հասնել բարեկամության, երրորդ՝ «վեցյակը» չպետք Է աղմուկ բարձրացնի բանակցությունների ձախողման դեպքում եւ չորրորդ՝ վեց միջնորդները պետք Է գնահատական տան Իսրայելում միջուկային զինանոցի գոյությանը: