Անձնագրի կնիքը ամենևին էլ սիրո գրավական չէ plitkar.com.ua-ն ներկայացնում է աստղային զույգերի, որոնք այդպես էլ չեն ամուսնացել:
Շակիրա և Ժերար Պիկե
2012թ. ծնվել է զույգի առաջնեկը՝ Միլանը, 2 տարի անց լույս աշխարհ է եկել նրանց երկրորդ որդին՝ Սաշան:
«Եթե ես երբևէ ամուսնանամ, ապա միայն Ժերարի հետ, բայց ներկայումս ամուսնությունը ոչինչ չի փոխի մեր հարաբերություններում»,- Glamour-ին ասել է երգչուհին:
Նատալյա Վոդյանովա և Անտուան Առնո
Անցած տարվա մայիսին Նատալյա Վոդյանովան 4-րդ անգամ երեխա է ունեցել ֆրանսիացի գործարար Անտուան Առնոյից՝ LVMH ընկերության համասեփականատիրոջից, որի ենթակայության տակ են Kenzo, Louis Vuitton, Givenchy և այլ ապրանքանիշներ:
Առնոյի հետ հանդիպման պահին Վոդյանովան արդեն երկար տարիներ ամուսնացած է եղել անգլիացի լորդ Ջասթին Պորտմանի հետ, որից 3 երեխա է ունեցել:
Ամռանը 33-ամյա մոդելը կմայրանա 5-րդ անգամ, Առնոն ու Նատալյան կունենան երկրորդ ընդհանուր երեխան:
Էնրիկե Իգլեսիաս և Աննա Կուռնիկովա
Երգիչն ու թենիսիստուհին սկսել են հանդիպել 2001թ., միասին են եղել 12 տարի, իսկ 2013թ. հայտնեցին բաժանվելու մասին: Ավելի ուշ զույգը նորից միացավ: Էնրիկեի խոսքով՝ ամուսնությունն իրենց ավելի չի մտերմացնի: Նրանք երեխա չունեն:
Ջոնի Դեպ և Վանեսա Պարադի
Շատերը Վանեսա Պարադիին և Ջոնի Դեպին համարում էին էտալոնային զույգ, նրանց պետք չէր անձնագրի կնիքը: Սակայն միասին ապրելով 14 տարի՝ զույգը 2012թ. բաժանվեց, երբ Ջոնին որոշեց Վանեսային փոխել Էմբեր Հերդի հետ:
Սյուզան Սարանդոն և Թիմ Ռոբինս
Դերասանները միասին են եղել 23 տարի: Նրանք երկու որդի ունեն, բայց 2009թ. Սյուզանը հանկարծակի որոշել է բաժանվել Թիմից:
Այժմ նա հանդիպում է գործարար Ջոնաթան Բրիքլինի հետ:
Քուրտ Ռասել և Գոլդի Հոուն
Դերասանները սկսել են հանդիպել 1983թ., ունեն որդի, Գոլդին նաև 2 երեխա ունի նախորդ ամուսնությունից, որոնց Քուրտը մեծացրել է իր երեխաների պես:
Նրանք մինչև հիմա միասին են և վերջապես պատրաստվում են ամուսնանալ:
Օփրա Ուինֆրի և Սթիդման Գրեյամ
Հաղորդավարուհի Օփրա Ուինֆրին և գործարար, գրող Սթիդման Գրեյամը միասին են 1986 թվականից: Զույգը երեխա չունի, թեև Գրեյամը դուստր ունի առաջին ամուսնությունից:
Օփրան մոլորակի ամենահարուստ և ազդեցիկ կանանցից մեկն է, բայց երեխա չունի: Շշուկներ են շրջանառվում, որ նա 20 տարեկանից սեքսուալ կապ ունի իր լավագույն ընկերուհի Գեյլ Քինգի հետ, բայց Օփրան դրանք բազմիցս հերքել է:
