Ռուսական RIA Novosti լրատվական գործակալության փոխանցմամբ՝ Գերմանիայի կանցլեր Անգելա Մերկելը ԵՄ-ի երկրների գագաթնաժողովից առաջ հայտարարել է, որ դեռ կան շատ հարցեր, սակայն փախստականների հարցի շուրջ Թուրքիայի հետ համաձայնագիրն ամուր հիմքի վրա է։
«Մեզ քննարկումներ են սպասվում, սակայն հիմնական հիմքը գցված է և ամուր է։ Կարևոր է կասեցնել ապօրինի ներգաղթյալների հոսքը և ապահովել գործընթաց, որի օգնությամբ յուրաքանչյուր ներգաղթյալ կդիտարկվի անհատական ձևով»։
Մերկելը հույս է հայտնել, որ ԵՄ-ի երկրների թվում կվերացվեն տարաձայնություններն ու կձևավորվի ընդհանուր դիրքորոշում։
