Sputnik լրատվական գործակալության փոխանցմամբ՝ Վրաստանի վարչապետ Գեորգի Կվիրիկաշվիլին ծանոթացել է Բաթումում Porta Batumi Tower հյուրանոցային-բնակելի համալիրի կառուցման աշխատանքներին, որոնց ավարտից հետո այն կդառնա Վրաստանի ամենաբարձր շինությունը։
Հաղորդվում է, որ դա ավանգարդային նախագծերից մեկն է, և որ Porta Batumi Tower-ն իր դիզայնով ու կառուցվածքով համաշխարհային մակարդակի նախագիծ է և համապատասխանելու է միջազգային չափորոշիչներին։
Համալիրի կառուցումը գնահատվում է 70 միլիոն դոլար։ Շինարարական աշխատանքները մեկնարկել են 2013 թվականի հունիսին և ավարտվելու են 2016 թվականի ամռանը։
Porta Batumi Tower-ն կունենա 43 հարկ, դրանում կլինեն հատուկ ընտանիքների համար ստեղծված տարբեր տիպի բնակարաններ, ինչպես նաև 12 բացառիկ պենթհաուսներ, որոնց պատուհաններից տեսարան կբացվի դեպի ծով ու լեռներ։
Porta Batu համալիրում կլինեն նաև առևտրային հրապարակներ, խանութներ, խաղատուն։ Համալիրը կառուցում է System Construction թուրքական առաջատար կապալառուներից մեկը։
