«Մենք հանրաքվեի ժամանակ ունեցել ենք գրեթե կատարյալ ընտրացուցակներ՝ չհաշված որոշ տեխնիկական թերություններ»,- այսօր Ընտրական նոր օրենսգրքի նախագծի վերաբերյալ հանրային քննարկման ժամանակ «Առաջին լրատվական»-ի հետ զրույցում ասաց անձնագրային և վիզաների վարչության պետ Մնացական Բիչախչյանը։ Նրա խոսքով՝ իրենք ներկայումս էլ խնդիր չունեն. քվեարկության որ մոդելն էլ ընտրվի՝ էլեկտրոնային, թե գործող մոդելը, իրենք պատրաստ են առաջնորդվել դրանով։
Բիչախչյանից հետաքրքրվեցինք՝ երաշխավորո՞ւմ է, որ էլեկտրոնային քվեարկության պարագայում, երբ առկա է տվյալների բազա, կրկնաքվեարկությունը կբացառվի, նա արձագանքեց. «Մենք էլեկտրոնային քվեարկության վարող կամ պատասխանատու մարմին չենք։ Ինչպես ընդունվեց օրենքը, ԱԺ-ն որ տարբերակին հավանություն տվեց, մենք ցուցակները այդ տարբերակով էլ կվարենք։ Ինչ վերաբերում է կրկնաքվեարկությանը, լինի էլեկտրոնային, թե թղթային տարբերակը՝ քաղաքացու տվյալները լինելու են մեկ տեղ»,- ասաց Բիչախչյանը։
Առավել մանրամասն՝ տեսանյութում:
