Արարատի և Վայոց Ձորի մարզերի ընդհանուր իրավասության դատարանում Հարություն Պետրոսյանի նախագահությամբ ընթանում է Կ. Խ.-ի գործի դատական քննությունը:
Ըստ մեղադրանքի՝ 2015 թվականի հուլիսի 30-ին, ժամը 13-ն անց 30-ի սահմաններում չափահաս տղամարդ Կ.-ն գնացել է համագյուղացիներից մեկի տուն՝ նրանից վերցրած «դանգրատը» վերադարձնելու:
Մտել է տուն ու տեսել է, որ տանը համագյուղացու երկու անչափահաս թոռնուհիներին են՝ 11 և 6 տարեկան, ինչպես նաև համագյուղացու բարեկամի թոռնուհին է՝ 5 տարեկան:
Չափահաս տղամարդը, օգտվելով այն հանգամանքից, որ երեխաները տանը մենակ են եղել, մանկահասակ երեխաների նկատմամբ, ըստ մեղադրանքի, կատարել է անառակաբարո գործողություններ:
Նա համբուրել է աղջիկներից ավագի՝ 11 տարեկանի շրթունքները, ձեռքով շոյել է նրա մարմնի տարբեր մասերը, իսկ մյուս փոքրիկներին առաջարկել է հետո հանդիպել առանձին տեղում ու իր ներկայությամբ խաղալ իրենց սեռական օրգանների հետ:
Կ.-ի խափանման միջոցը կալանավորումն է:
Նրան մեղադրանք է առաջադրվել ՀՀ քրեական օրենսգրքի 142 հոդվածի 3-րդ մասի 2-րդ կետով:
