Իրանական IRNA լրատվական գործակալության փոխանցմամբ՝ Իրանի նավթարդյունաբերության նախարար Բիժան Զանգանեն ու նրա իրաքցի գործընկերը նախորդ օրերին բանակցություններ են վարել երկու երկրների սահմանին ընկած նավթահանքերի համատեղ շահագործման վերաբերյալ։
Դրա մասին հայտարարել է Զանգանեի տեղակալ Էմիր Հուսեին Զամանինիան։ Նա հավելել է, որ Իրանը պատրաստ է սկսել Իրաքին գազ մատակարարելու գործընթացը և եթե ամեն ինչ հաջողվի, ապա դա տեղի կունենա առաջիկա 20 օրում՝ մարտի վերջին։
Զամանինիան ընդգծել է, որ իրաքյան կողմը դրա համար դեռ պետք է կառուցի 20 կիլոմետր երկարությամբ խողովակաշար։
