Ես չեմ կարծում, որ երբևիցե առիթ եմ տվել մտածելու, որ ես կարող եմ մեկ այլ կուսակցության մեջ մտնել, երբ ես ինքս ստեղծել եմ կուսակցություն և շատ գոհ եմ իմ թիմից: Այս մասին «Առաջին լրատվական»-ի հետ զրույցում ասաց ՎՍՀԴԿ ատենապետ, ՀԱԿ խմբակցության պատգամավոր Լյուդմիլա Սարգսյանը՝ անդրադառնալով մամուլում շրջանառվող այն լուրին, ըստ որի՝ շուտով ինքը կհամալրի ԲՀԿ շարքերը:
Անդրադառնալով մամուլի մեկ այլ հրապարակման՝ կապված ՀԱԿ անդամների հետ իր կապերը վերականգնելու փորձերին, Լ. Սարգսյանը նշեց, որ Լևոն Տեր-Պետրոսյանի հետ կամուրջները չի այրել. «ՀԱԿ անդամների հետ կարող եմ այրել, բայց Լևոն Տեր-Պետրոսյանի հետ երբեք: Ես լացող տեսակ չեմ, առավել ևս խնդրող չեմ. Ես կարող եմ լինել պահանջված և չպահանջված, երբ չպահանջված լինեմ, ինքս կհասկանամ, իսկ պահանջվածություն ես տեսնում եմ»:
Անդրադառնալով նոր Ընտրական օրենսգրքին ՝ Լ. Սարգսյանը նշեց, որ իրենց կողմից պատրաստվում է առաջարկությունների փաթեթ, որն առաջիկայում կհրապարակվի և կուղարկվի ԱԺ: Նրա խոսքով՝ Նոր ԸՕ-ում շատ վիճելի կետեր կան, որոնք չեն կարող գոհացնել ոչ մի ընդդիմադիր գործչի. «Անընդունելի է, որ Սահմանադրությամբ ակնկալվում է կուսակցությունների դերի բարձրացում, իսկ այս ԸՕ-ով, ըստ էության, կուսակցությունների գոյության վտանգ կա: Փորձում են բացառել քաղաքական ուժերի մասնակցությունը ընտրական գործընթացին»:
Լյուդմիլա Սարգսյանի կարծիքով ՝ որևէ ընդդիմադիր քաղաքական ուժ այսօր միայնակ մասնակցության հնարավորություն չունի առաջիկա ընտրություններին:
Մանրամասները՝ տեսանյութում:
