Այսօր առավոտյան Հանրային ծառայությունները կարգավորող հանձնաժողովի (ՀԾԿՀ) սակագնային քաղաքականության վարչության պետ Գարեգին Բաղրամյանը հայտարարել էր, որ «ՀայՌուսգազարդի» ներկայացրած հայտում նշված է` այս տարվա ապրիլի 1-ից գազը սահմանի վրա ձեռք է բերվում 270 դոլար/1000 խմ գնով: Նույն բանը այսօր ԱԺ-ում ասել է նաև ՀԾԿՀ նախագահ Ռոբերտ Նազարյանը:
Նշենք, որ մինչ այժմ դեռ երբեք չէր հայտարարվել, թե երբվանից է Ռուսաստանը գազը թանկացրել: Էներգետիկայի և բնական պաշարների նախարար Արմեն Մովսիսյանը, սակայն, անդրդվելի է. ԱԺ ում նա դարձյալ հայտարարել է, թե Հայաստանն առ այսօր գազը սահմանի վրա ձեռք է բերում 180 դոլար/1000 խմ գնով և որ բանակցությունները գնի փոփոխման վերաբերյալ դեռ շարունակվում են: