Շվեդիայում ԱՄՆ դեսպանատունը նախազգուշացում է արել Ստոկհոլմում գտնվող ԱՄՆ քաղաքացիներին ՝ խնդրելով զերծ մնալ երեկոյան ժամերին արվարձաններ ուղևորություններից: Այս մասին հայտնում է տեղի Aftonbladet թերթը: Հաղորդագրությունում ասվում է նման ուղևորության պոտենցիալ վտանգի մասին:
Ստոկհոլմի արվարձաններում անկարգությունները շարունակվում են: Հրկիզումների ու վանդալիզմի կասկածանքով ձերբակալվել է 8 մարդ:
Հրշեջ ծառայությունները չեն հասցնում արձագանքել բոլոր կանչերին՝ առաջնահերթություն տալով այն դեպքերին, որոնք սպառնալիք են ներկայացնում մարդանց կյանքին:
Ինչպես արդեն տեղեկացրել ենք՝ վրդովմունքի ալիքի պատճառն անցած շաբաթվա իրադարձություններն էին, երբ Հուսբյու շրջանի բազմաբնակարան շենքերից մեկում ձերբակալության ժամանակ ոստիկանները կրակել էին 69-ամյա տղամարդու, որը սպառնացել էր նրանց սառը զենքով: Տեղի բնակիչների խոսքով՝ օպերացիայի ժամանակ իրենք դարձել են իրավապահների կողմից չարդարացված դաժանության ականատեսը, երբ մարդկանց վրա շներ են արձակվել, գործի են դրվել ռետինե մահակներ: