Ռուսաստանի նախագահ Դմիտրի Մեդվեդևը ժամանել է Սեուլ: Կորեայի Հանրապետությունում երկօրյա պաշտոնական այցից հետո նա կմասնակցի «քսանի խմբի» գագաթնաժողովին, որը տեղի կունենա այդ երկրի մայրաքաղաքում նոյեմբերի 11-12-ը:
Ինչպես «Вести»-ին փոխանցել է նախագահի օգնական Պրիխոդկոն, Մեդվեդևը կհանդիպի Կորեայի նախագահ Լի Մեն Բակի հետ: Հանդիպման արդյունքում կստորագրվեն մի շարք փաստաթղթեր:
Իսկ նոյեմբերի 11-ին մեկնարկող գագաթնաժողովի շրջանակներում Ռուսաստանի նախագահը կմասնակցի «Առևտուր և ներդրումներ» խորագրով կլոր սեղանին, որից հետո երկկողմ հանդիպումներ կունենա Չինաստանի, Մեծ Բրիտանիայի և Ավստրալիայի ղեկավարների հետ:
