Երկուշաբթի Yahoo! ամերիկյան ընկերությունը թարմացրել է լուսանկարները պահելու սեփական ծառայությունը՝ Flickr-ը: Այս մասին հաղորդում է ITAR-TASS-ը:
Ընկերության նախագահ Մարիսա Մայերի խոսքով՝ Flickr-ը ոչ միայն փոխել է դիզայնը, այլ նաև ստացել Android համակարգով նոր հավելվածներ: Բացի այդ, օգտատերերին տրվել է 1 տերաբայթ հիշողություն՝ լուսանկարները պահելու համար:
Այսպիսով, ծառայության օգտատերերը հնարավորություն են ստացել ներբեռնել ամբողջական ծավալով լուսանկարներ:
«Մենք չենք տնտեսի մեր լուսանկարների որակի հաշվին, մեզ համար թանկ է յուրաքանչյուր պիքսելը»,- հայտարարել են ընկերությունում՝ հավելելով, որ այն տրվում է անվճար հիմունքներով:
