Ծանոթությունների ավանդական կայքերը փորձում են մարդկանց միավորել ըստ հետաքրքրությունների: YouLike ծառայության ստեղծողները որոշել են, որ մեզ չհետաքրքրող երևույթները նույնիսկ կարող են ոչ պակաս գործոն լինել իդեալական զույգ կազմելու համար:Այս մասին հայտնում է TechCrunch տեխնոբլոգը:
YouLike-ում գրանցվելիս ծառայությունն օգտատիրոջը տալիս է բազմապիսի հարցեր, որոնց կարելի է պատասխանել «սիրում եմ», «հավանում եմ», «չեմ հավանում», «ատում եմ» տարբերակներով: Այդ հարցերի օգնությամբ կայքը ձևավորում է հետաքրքրությունների բազա:
YouLike-ի ստեղծողները հարցերը կազմելիս շեշտը դրել են կոնկրետ փաստարկների վրա, որոնք օգնում են հարաբերությունների սկզբում: Երբ մարդը մտնում է մեկ ուրիշի էջը, կայքը նրան ցուցադրում է ստացված տեղեկատվությունը: Կայքն անմիջաես տեղեկացնում է, թե իրենց որ հետաքրքրություններն են համընկնում, որը՝ ոչ. «Դուք սա եք հավանում, իսկ ահա նա՝ այս մեկը»: Մինչ տվյալ մարդու հետ ծանոթանալը կայքը կօգնի պատկերացում կազմել նրա մասին:
Նախագծի գաղափարն այն է, որ այն օգտատերերին դասակարգում է ոչ միայն հետաքրքրություններով, այլև մանր-մունր սովորույթներով ու համոզմունքներով, որոնք շատ կարևոր են տևական հարաբերությունների համար:
Չնայած ոչ ստանդատ սկզբունքին՝ դեռևս դժվար է ասել, թե կկարողանա՞ YouLike-ը կայուն դիրք զբաղեցնել ծանոթությունների հազարավոր կայքերի շարքում: