Հարավ-Կոլիֆոռնիական համալսարանի գիտնականների խումբն ալիգատորների ատամների հիմքում յուրահատուկ բջջային և մոլեկուլային մեխանիզմներ է հայտնաբերել:
Պարզվում է, որ ողնաշարավորների մեծամասնության մոտ ատամները փոխվում են ամբողջ կյանքի ընթացքում, իսկ մարդու ատամները կարող են ընդամենը երկու անգամ աճել:
Ոսկրային կազմավորումների ռեգեներացիայի գաղտնիքը բացահայտելու ընթացքում գիտնականներն ուշադրություն են դարձրել ամերիկյան ալիգատորների ատամների հիմքում ընկած մեխանիզմի վրա:
Կոկորդիլոսների ծնոտներն ուսումնասիրողները հայտնաբերել են, որ յուրաքանչյուր ատամը բարդ բլոկ է, որը կազմված է ատամնային շերտից, ֆունկցիոնալ և փոփոխվող ատամներից:
Առաջատար գիտնական Չեն-Մին Չոունգը բացատրել է, որ ալիգատորների ատամները մարդու ատամների պես տեղադրված են ալվեոլային ծնոտներում: Դրա շնորհիվ կոկորդիլոսների ոսկրային հյուսվածքները մարդու ատամների հետ համեմատելու համար իդեալական մոդել են հադիսանում:
Գիտնականները ենթադրում են, որ ուսումնասիրությունները կօգնեն լուծում գտնել, որը հնարավորություն կտա մարդու կյանքի ամբողջ ընթացքում ատամներ աճեցնել:
«Մարդիկ ատամների երկու խումբ ունեն՝ կաթնային և արմատային: Մենք ցանկանում են մանրամասնորեն ուսումնասիրել ալիգատորների ռեգեներացիայի գործընթացը, որպեսզի հետագայում հիմքի բջիջները կարողանանք օգտագործել հասուն մարդկանց ատամները վերականգնելու համար»,- պրոֆեսոր Չոունգին մեջբերում է Sci-News-ը:
