Զինված գրոհայինները կիրակի Իրաքի արևմուտքում հարձակում են գործել ոստիկանական բաժանմունքի վրա, ինչի հետևանքով զոհվել է ոստիկանության առնվազն 10 աշխատակից: Այս մասին հայտնում է «Սինհուա» գործակալությունը՝ հղում անելով տեղի ոստիկանությանը:
Գրոհայինների և ոստիկանության միջև բախումը տեղի է ունեցել Ռավա քաղաքում՝ Բաղդադից 260 կմ հյուսիս-արևմուտք: Տուժած ոստիկանների և ոչնչացված գրոհայինների մասին տեղեկություններ չկան:
Կիրակի ավելի վաղ անծանոթները Բաղդադի հարավային շրջանում կրակ էին բացել մի խումբ երիտասարդների վրա: Սպանվել էր մեկ, տուժել առնվազն 5 մարդ:
Հիշեցնենք, որ շաբաթ օրն էլ 8 ոստիկաններ էին առևանգվել, որոնք ծառայություն էին իրականացնում Իրաքը Հորդանանին ու Սիրիային կապող ավտոմայրուղու անցակետի մոտ: Նրանց ճակատագրի կամ առևանգողների պահանջների մասին նույնպես հայտնի չէ:
Երկրում լարվածության աճը կապված է խոշորագույն իսլամական համայնքների՝ սուննիների ու շիաների դիմակայության հետ:
