Սվազիլենդի բնակչուհին ապաստան է խնդրել Մեծ Բրիտանիայից: Նա գրավել էր Մսվաթի 3-րդի ուշադրությունը, որը հայտնի է իր շվայտ կենսակերպով ու բռնակալի պահվածքով: Աղջիկը հրաժարվել է միանալ արքայի՝ 13 կանանցից կազմված հարեմին:
Համաձայն Սվազիլենդի հայտնի սովորույթի՝ երկրում ամեն տարի անցկացվում է «հարսնացուների փառատոն», որտեղ արքան կարող է իր համար հերթական կնոջն ընտրել:
Յուրաքանչյուր համայնքի ավագը թագավորական պալատի համար զուգում է մի խումբ աղջիկների, և Մսվաթին, պարողներին դիտելուց հետո, կատարում է իր ընտրությունը՝ հայտնում է Daily Mail-ը:
Ներկայում Նգոբենին ապրում է Բիրմինհեմում: Նա ընդամենը 15 տարեկան էր, երբ արքան նկատել է նրան ու սկսել ուշադրության նշաններ ցույց տալ: Աղջիկը հայտարարում է, որ «սարսափ» է զգացել՝ իմանալով նրա ամուսնական հարաբերությունների մասին:
Մսվաթիի բոլոր կանայք ապրում են պալատում՝ թիկնապահների հսկողության ներքո, ու չեն կարող դուրս գալ իրենց կամքով, եթե արքան թույլ չտա»,- այսպես է բացատրել Նգոբենին թագավորական ընտանիքի մաս չդառնալու իր ցանկությունը:
Արդյունքում աղջիկը հրաժարվել է հարմարավետ կյանքից: Նրա փախուստը Անգլիա կազմակերպել է մորաքույրը, որտեղ աղջիկը միացել է իր մորը, ով ավելի վաղ տեղափոխվել էր Բիրմինհեմ՝ փրկվելով դաժան հորից:
«Ես ընտրություն չունեի: Ոչ ոք երբեք չի հրաժարվել արքայից, ու ոչ ոք չի կարողացել նրան չենթարկվել, իսկ ես պարզապես անհետացա»,- պատմել է աղջիկը:
