ԱԺ-ում այսօր Հանրային ծառայությունները կարգավորող հանձնաժողովի՝ 2016թ. ծրագրի ներկայացման ժամանակ ՀԱԿ խմբակցության պատգամավոր Հրանտ Բագրատյանը՝ դիմելով ՀԾԿՀ նախագահ Ռոբերտ Նազայանին՝ նշեց. «2015-ի հուլիսին ՀՀ-ում էլեկտրաէներգիայի միջին սակագինը հաստատված էր 48 դրամ, Ուկրաինայում, որտեղ մի քիչ բարդ է, կապված է՝ գազատաքացուցիչ կա, թե ոչ՝ 12 դրամ է, ՌԴ-ում՝ 22 դրամ, Վրաստանում՝ 28 դրամ:
Հայաստանի էլեկտրաէներգիայի արտադրության կառուցվածքում ատոմակայանի բաժինը կազմում է 40 տոկոս, ՀԷԿ-եր՝ 30 տոկոս, ՋԷԿ-եր՝ 30 տոկոս: Ուկրաինայում՝ ատոմակայաններ՝ 45 տոկոս, ՀԷԿ-եր՝ 15 տոկոս, 40 տոկոս՝ ՋԷԿ-եր, ՌԴ-ում` 67 տոկոս ՋԷԿ-եր, մնացածը՝ ՀԷԿ-երն ու ատոմակայանները: Ինչպե՞ս է ստացվում, որ այսպիսի լավ գեներացիայով, ինչպիսին ՀՀ-ում է, սակագինն այսքան բարձր լինի»:
Ռոբերտ Նազարյանը կոռեկտ չհամարեց Հայաստանը համեմատել ՌԴ-ի կամ Ուկրաինայի, Վրաստանի հետ. «Ուկրաինայում պետությունը սուբսիդավորում է էլեկտրաէներգիայի գները: ՌԴ-ում ջերմային կայանների գազի գինը եռակի ավելի ցածր է, քան այն գինը, որով մենք տրամադրում ենք ջերմային կայաններին, որ ստանանք էլեկտրաէներգիան»:
Ռ. Նազարյանն առաջարկեց համեմատել Մոլդովայի հետ. «Մեր նման երկիր ա: 9.70 ցենտ է սակագինը, մեզ մոտ՝ 7.52: Մոլդովայում 45.92 դրամ է, ՀՀ-ում՝ 42.23 է միջին սակագինը: Վերցնենք Մակեդոնիան, Հունգարիան, Բուլղարիան եւ կտեսնենք, որ շատ ավելի բարձր են այնտեղ, քան մեր սակագները»:
«Դուք հայտարարեցիցք, որ Դեկտեմբերի 2-ի պայմանագիր ենք ստորագրել: Հարգելի՛ մեծամասնություն, հետևեք, տեսեք ոնց է կյանքում իրականացվում. այսինքն՝ չի իրականացվում»,- նշեց Հրանտ Բագրատյանը
Ըստ Հրանտ Բագրատյանի՝ Ռ. Նազարյանը լրիվ անհիմն համեմատություն արեց Մոլդովայի հետ. «Մոլդովայում ատոմակայան չկա: Դուք ընդհանրապես зашкалили»:
Մանրամասները՝ տեսանյութում:
