Ռուսական RIA Novosti լրատվական գործակալության փոխանցմամբ՝ ամերիկացի գիտնականները մշակել են այնպիսի տեխնոլոգիա, որը հնարավորություն է տալիս ջրի եռման գործընթացում առաջացնել «դադար»՝ խանգարելով եռացող ջրի ներսում պղպջակների կազմավորմանը։ Նրանք դա արել են լազերի միջոցով։
Դրա մասին նշված է Scientific Reports հանդեսում հրապարակված հոդվածում։ ԱՄՆ Սիրակյուզ քաղաքի համալսարանը ներկայացնող Շալաբ Մարուն հայտարարել է, որ այդ տեխնոլոգիան իրենց հնարավորություն է տալիս ջրի եռման գործընթացը վերլուծել ամենահիմնարար մակարդակով. «Դա հասկանալը մեզ հնարավորություն կտա ստեղծել մակերևույթ, ուր հնարավոր կլինի հասնել ջերմության առավելագույն փոխադրմանը, ինչպես նաև հասկանալ, թե ինչպես կարելի է ջրին հարկադրել եռալ անկշռության պայմաններում, ուր գրավիտացիայի բացակայությունը հանգեցնում է տաքացվող մակերևույթին պղպջակների կուտակվելուն»։
