Հանրահայտ երաժիշտ Ջորջ Մայքլը դուրս է գրվել հիվանդանոցից, որտեղ հայտնվել էր մայիսի 16-ին Լոնդոնից ոչ հեռու տեղի ունեցած ճանապարհատրանսպորտային պատահարից հետո: Նա մի քանի վնասվածքներ էր ստացել: Այս մասին հայտնում է ITAR-TASS-ը:
Դեպքը տեղի էր ունեցել М1 ավտոճանապարհի վրա՝ բրիտանական մայրաքաղաքից 30 կմ հյուսիս: Դեպքի պահին Ջորջ Մայքլը գտնվել է Range Rover-ում՝ ուղևորի կարգավիճակով: Վարորդը գլխի ծանր վնասվածք էր ստացել և ուղղաթիռով տեղափոխվել հիվանդանոց: Բոլոր հանգամանքները դեռևս ճշտված չեն, հետաքննությունը շարունակվում է:
Հարկ է նշել, որ շուրջ 3 տարի առաջ Ջորջ Մայքլը 8 շաբաթվա ազատազրկման ու խոշոր տուգանքի էր ենթարկվել մարիխուանայի ազդեցության տակ մեքենա վարելու համար: Նրան նաև 5 տարով զրկվել էր մեքենա վարելու իրավունքից։
