Թուրքական Vatan թերթի փոխանցմամբ՝ «Քրդստանի աշխատավորական» կուսակցության (PKK) առաջնորդ Աբդուլլահ Օջալանի 18-ամյա ազատազրկումից հետո նրա փաստաբանները հայց են ներկայացրել Աթենքի դատարան։
Օջալանի փաստաբանները Հունաստանի կառավարության դեմ հայց են ներկայացրել PKK-ի առաջնորդի դեմ «միջազգային դավի» գործով օրենքի խախտման համար։
Աթենքյան դատարանը համաձայնվել է գործը վերցնել դիտարկման և տվյալ գործով որոշում կայացնել 3 ամսվա ընթացքում։ Օջալանը Հունաստան մեկնել է 1998 թվականին Սիրիայից վտարվելուց հետո։
Այն ժամանակ Հունաստանի կառավարությունը մերժել է նրան ապաստան տալու մասին միջնորդությունը՝ չնայած ստանձնած համապատասխան պարտավորությանը։ Ավելի ուշ Օջալանը Քենիայի մայրաքաղաք Նայրոբիում դիմել էր հունական դեսպանատուն, սակայն այնտեղ հրաժարվել էին պաշտպանել նրան։
Դրանից հետո՝ օդանավակայան գնալու ճանապարհին, Օջալանը կալանավորվել էր Թուրքիայի հատուկ ծառայությունների կողմից։
