Հունաստանի խորհրդարանում ոչ խորհրդարանական պածվածքի պատճառով դահլիճից հեռացրել են «Ոսկե լուսաբաց» կուսակցության պատգամավորին, որից հետո հնչել են «Հայլ Հիտլեր» բացականչություններ, հաղորդում է RIA Novosti-ն:
Բոլոր կուսակցությունների պատգամավորները պահանջում են պատժել «Ոսկե լուսաբացին», իսկ վերջինիս անդամները նրանց մեղադրում են սադրանքի մեջ:
Ուրբաթ օրը տեղի ունեցած նիստի ժամանակ Պանայոտիս Իլիոպուլոսը սկսել է վիրավորել հակառակորդ ծայրահեղական ձախ կուսակցության պատգամավորներին, սակայն նիստի նախագահողը ընդհատել է նրան և պահանջել դադարեցնել վիրավորանքները:
Դրանից հետ պատգամավորին դուրս են հրավիրել դահլիճից և հիշեցրել, որ կարող է տուգանվել աշխատավարձի ¼-ի չափով: Ծագած վիճաբանությունից հետո դահլիճում ինչ-որ մեկը մի քանի անգամ բղավել է «Հայլ Հիտլեր», ինչը հարուցել է մյուս կուսակցությունների զայրույթը:
«Ոսկե լուսաբացը», որն ունի ազգայնական խորհրդանիշ և հռետորաբանություն, ծայրահեղ ձախերին մեղադրում է զրպարտության և սադրանքի մեջ` հայտարարելով, որ «Հայլ Հիտլեր» բղավել են ՍԻՐԻԶԱ կուսակցության պատգամավորները:
