ԱԺ ԲՀԿ խմբակցության պատգամավոր Վահե Հովհաննիսյանն այսօր ԱԺ նիստում ՄԻՊ թեկնածուի քննարկման ժամանակ հայտարարեց, որ թեկնածուի առաջադրման մեխանիզմը որոշակի խնդիրներ հարուցում է, բայց դա էլ լուծման հաջող բանալի ունի:
«Դուք չպետք է դառնաք ընդդիմադիր գործիչ, դա սխալ ճանապարհ է, չմտնեք քաղաքական դաշտ և չփորձեք դիրքադրվել ընդդիմադիր դաշտում: Ձեր առաքելությունը շատ ավելի բարձր է, քան ընդդիմադիր լինելը»,- ասաց Վ.Հովհաննիսյանը՝ դիմելով ՄԻՊ թեկնածու Արման Թաթոյանին:
Նրա կարծիքով՝ պաշտոնը ստանձնելուց անմիջապես հետո Թաթոյանը պետք է մոռանա, որ ՀՀԿ թեկնածուն է եղել, սակայն նա պարտավոր է լինելու աշխատել իշխանության հետ, որպեսզի կարողանա հարցեր լուծել: Վ.Հովհաննիսյանի դիտարկմամբ՝ իշխանության հետ սուր կոնֆլիկտի գնալու դեպքում, անգամ եթե դա հաճելի է որոշակի շրջանակների, կտուժի գործը:
Ապագա ՄԻՊ-ին խորհուրդ տվեց թիմ չփնտրել քաղաքական դաշտում. «Դուք համախոհների բանակ կունենաք, եթե լինի քաղաքացիական հասարակության պայքարող անհատների կողքին»:
Մանրամասները՝ տեսանյութում:
