Կաննի փառատոնի բացման արարողության վատագույն կերպարները (լուսանկարներ)

Կաննի փառատոնի լավագույն կերպարները հրապարակելուց հետո ներկայացնում ենք նրանց, ումից պետք չէ օրինակ վերցնել:

«Սև ցուցակի» մեջ յուրաքանչյուրն առանձին պատճառով է հայտնվել:

Չնայած նորաձևության քննադատները միաձայն Ջուլիանա Մուրի սև կերպարը գերազանց էին գնահատել, հանդիսատեսի կարծիքն այլ է: Այդ պատճառով նա նույնպես հայտնվել է վատագույն կերպարների ցուցակում:

1. Ջուլիանա Մուրը՝ Christian Dior Couture զգեստով

1960-ականների կերպարի մեջ ներդաշնակորեն մտած Լանա Դել Ռեյը որոշել է փոխել իր սովորույթները: Ինչպես պարզվել է՝ իզուր:

2. Լանա Դել Ռեյը՝ Lena Hoschek-ի հագուստով

Բեյոնսեի քույրը՝ Սոլանժ Նոուլզը, ավելի լավ կլինի քրոջ հագնվելու ոճը իրեն թողնի և իր սեփականը գտնի: Կրտսեր քրոջն առանց այն էլ շատ են համեմատում ավագի հետ, ընդ որում՝ այդ համեմատությունն առայժմ Սոլանժի օգտին չէ:

3. Սոլանժ Նոուլզը՝ Stephane Rolland Couture-ի հագուստով
Ֆլորենս Ուելչի կերպարում իրար հետ պայքարում են մարգարտա-վարդագույնն ու մազերի հագեցած կարմիրը: Գունային այս համադրումը մեր ճաշակով չէ:

4. Ֆլորենս Ուելչը՝ Miu Miu-ի զգեստով
Թափանցիկ ժանյակե կիսաշրջազգեստները կարմիր գորգերի վրա արդեն ձանձրալի են, այդ պատճառով էլ Պազ Վեգան նույնպես հայտվել է վատագույն կերպարների ցուցակում:

5. Պազ Վեգան Roberto Cavalli-ի զգեստով
Նույն պատճառով էլ այս ցուցակում հայտնվել է Կլոտիլդա Կուրոն, ում այսպիսի հագուստը կներեին մի քանի տասնամյակներ առաջ միայն:

6.Կլոտիլդա Կուրո

Լորիի ոճաբանը հավանաբար չգիտի, որ ատլասե փայլուն զգեստները տիրուհիներին ավելի գեր են ցույց տալիս, քան նրանք կան:

7. Լորի

Լեդի Վիկտորյա Հարվին պետք է ավելի ուշադիր կարդա նորաձևության պատմության հանրագիտարանը՝ նախքան 1920-ականների ջազային ոճի զգեստ ընտրելը:

8. Լեդի Վիկտորյա Հարվի

Լյուդիվին Սանյեն հանդիսատեսին դուր չի եկել այն պատճառով, որ հոլիվուդյան շքեղությունը փոխարինել է առափնյա սրճարանի այցելուի կերպարով:

9. Լյոդիվին Սանյե

Ջոզեֆինա Ջոբերտը և Բայ Լինգը ուղղակի շփոթել են ակումբի ճանապարհը:

10. Ջոզեֆինա Ջոբերտ

11. Բայ Լինգ

Եվ վերջապես՝ Մոնա Այուբի համարձակ զգեստը:

12. Մոնա Այուբ