Չնայած, ներկայումս ներդրումների կրճատումն ուժեղ չի ազդի համաշխարհային նավթարդյունահանման վրա, հեռանկարում դա կարող է բացասական ազդեցություն ունենալ և վտանգի տակ դնել նավթի կայուն մատակարարումը, համարում է Ռուսաստանի էներգետիկայի նախարար Ալեքսանդր Նովակը: Այդ մասին հայտնում է RIA Novosti-ն:
Մի քանի արդյունահանման նախագծերի սառեցումը, որոնք կարևոր են նավթի ապագա պահանջարկի բավարարման համար, կարող է սպառնալիքի տակ դնել 2020 թվականից հետո նավթի կայուն մատակարարումը, այդ պատճառով Ռուսաստանը պետք է պահպանի ամբողջ աշխարհի համար նավթի կայուն մատակարարի իր կարգավիճակը,- հայտնել է նա գերմանական Die Welt և ավստրական Die Presse պարբերականներին տված հարցազրույցում:.
«Ֆինանսական միջոցներին մուտքի սահմանափակումը և պահումները որոշ նախագծերի կատարման դեպքում կհանգեցնեն շուկայի կայունացման և արդյունահանման կրճատման ՕՊԵԿ-ի սահմաններից դուրս` հատկապես Հյուսիսային Ամերիկայում: ԱՄՆ-ում հորատման սարքերի թիվը կրճատվել է համարյա 2/3-ով»,- ասել է նախարարը:
Նովակի կարծիքով՝ 2016 թվականին սպասվում է համաշխարհային նավթարդյունաբերությն մեջ ներդրումների հետագա կրճատում` 15-40 տոկոսով:
Միաժամանակ, նա համաձայնվել է Միջազգային էներգետիկ գործակալության հաշվարկների հետ, որի կարծիքով հակառակ սպասելիքների, 2016 թվականին նավթի գինը չի կայունանա:
