Dell ընկերությունը հայտնել է վերջին երեք ամիսներին շահույթի՝ 79 տոկոսով կրճատման մասին: Այս մասին հայտնում է BBC-ն: Պատճառն անձնական համակարգիչների պահանջարկի նվազումն է, քանի որ շատերն անցում են կատարում սմարթֆոններին ու պլանշետներին:
Ընկերության մաքուր շահույթը վերջին երեք ամիսներին ընկել է՝ հասնելով 130 միլիոն դոլարի, ընդ որում՝ եկամուտը կրճատվել է 2 տոկոսով՝ հասնելով 14 միլիարդ դոլարի:
Նշենք, որ ընկերության պատճառով թեժ վեճեր են ընթանում հիմնադիր Մայքլ Դելի ու երկու խոշոր բաժնետերերի միջև: Դելը ցանկանում է ընկերությունը լիովին մասնավոր դարձնել, սակայն ոչ բոլոր ներդրողներն են դրան համաձայն:
